«يا أنا يا الكتابة».
جُملة اتقالت في حدوتة، حدوتة غير حواديت الرواية، لأنها اتقالت في حكايتي أنا. أنا اخترت حلمي ومسكت فيه، وحلمي ما كسفنيش واتحقق.
ليه بكتب لكم دا على الغلاف؟!
عشان أقولكم: لا تتنازلوا ولا تفرطوا في حلمكم, الحلم لو ضاع صعب تلاقيه من تاني. ولو لسه ما حققتش حلمك ما تزعلش, افتكر إن فيه ناس كتير بتتولد وتعيش وتموت بدون حلم, والحياة بدون شغف لـحلم بتكون مُملة!الحلم بذرة وردة جميلة مزروعة في أرض قلبك، اعتنوا بزراعتها.
واقرأوا الرواية بتركيز, عشان تساعدوا الحلم يوصل لأقصى طاقة نور.