” وسط الحكي و الرغي و الغُنى و جمال الليلة لقيتها بتقول بمنتهي العفوية “أصل انا هِديتْ كتير عن زمان ، انا من ساعة ما طِلعت من المصحة و انا نسيت حياتي القديمة” حسيت ب سكينة كبيرة تلمة اخترقتني ببطئ، جسمي سِقع، بطني إتقلبت، مش عارف أبلع ريقي، نبضات قلبي سامعها بوضوح، حسيت المكان فِضي علينا و ضلّم، هي حست اني اتخضيت ، بس دة مامنعهاش انها تكمل كلامها و قالت بشئ من التحدي: “أيوة انا كنت مدمنة ، كنت مدمنة 4 سنين ، و تعافيت و دلوقتي بقالي 610 يوم مبطلة، انت عندك مشكلة ان يبقي ليك صاحبة كانت مدمنة ؟” انا فعلا كنت مخضوض، اصل مكانش ينفع تقولها لي كدة اكنها بتقولي انها بتحب تاكل السمك مشوي مش مقلي ، لساني مشلول مكنتش عارف انطق ، بس جمّعت كلمتين و عرفت اقولهم .. “أنا فخور ان ليا صاحبة بطلة زيك و عرفت تبطل”