وكأي ست مصرية أصيلة فا أنا بحب أتكلم في موضوع وادخل منه علي موضوع تاني خالص بدون أي سابق إنذار، فا قررت أسمّي الكتاب ده ",خلطة عمري", لإنه أنسب وصف للمراحل المتلخبطة اللي بنمر بيها في حياتنا..
مع كل موقف بتطلع بخلطة علمتك و أثرت فيك..
مع كل قفا الحياة بتديهولنا بنغيّر تركيبتها..
و لما بنقرر نقوي ونواجه الحياة بسلطاتها ببابا غنوجها بنفضل نغيّر حاجات جوانا ونتغيّر احنا شخصيًا لحد ما بنوصل لأكتر خلطة مريّحانا بعد ما مرّينا بمراحل نضج كتيرة ومراحل وجع أكتر..
الكتاب ده هو خلطتي ببُهاراتي الخاصة وآرائي اللي نفسي أعبّر عنها بس حبّيت أشاركها معاكم بصوت عالي و إن بابليك، يمكن خلطتي تُظبط خلطة حد فيكم.