#لعنة _ الساحرات _ الثلاث #الجزء _ الثاني

يسري: عندي ليكو مكان جامد ايه رأيكو في غابة ",هويا باكيو",.
إبراهيم(بسخرية): غابة ايه يا عينيا؟!
يسري: غابة هويا باكيو هي غابة بتقع في مقاطعة (كلوج) في مدينة (كلوج نابوكا) شمال غرب رومانيا الرحلة ديه ممكن تبقي رحلة تخيْم جميلة و ممكن كمان نستكشف الغابة مع بعض بس الغابة ديه بتحوم حواليها الغموض بسبب الاختفاءات اللي بتحصل فيها و بُيقال أن في عشرات الأشخاص اختفو في الغابة ديه.
حلمي: و ايه سبب الاختفاءات ديه؟
يسري: منا قولت أن الغابة ديه بتحوم حواليها الغموض ، بس في إشاعات كتيرة زي أن في ناس قالت إن الغابة ديه مسكونة بالاشباح و الجن و ناس بتقول انهم شافو اطباق طائرة بس محدش وثق الاشاعات ديه.
إبراهيم(بغضب): و انت بقا عايزنا نسافر عشان احنا كمان تختفي و نموت.
يسري: انا مقولتش أن الناس بتموت انا قولت بيختفو.
إبراهيم: يعني هو اللي خطفهم ده حيسمي عليهم اكيد حيقتلهم.
يوسف: بقولك يا إبراهيم انت من أول القاعدة و انت متضايق و كلامك غريب ، مالك في ايه؟
إبراهيم: أصل انا .. انا..
شريف: انت ايه؟
إبراهيم: انا حلمت بحلم غريب.
يوسف: حلمت بإيه؟
إبراهيم: حلمت أننا كنا في غابة كبيرة و اشجارها شكلها غريب و كنا ماشيين مع بعض و بعدين المشهد أتبدل و لقيت كل واحد فينا بيتقتل بس شكل اللي كان بيقتلنا مش واضح.
يوسف: هو ده اللي مخليك متضايق!!
حلمي: يا جماعة انتو مش ملاحظين حاجة؟
محمود: ايه اللي احنا مش ملاحظينو؟
حلمي: ان إبراهيم حلم أن احنا في غابة و اتخطفنا و اتقتلنا و احنا بنقرر أننا نسافر في غابة و كمان الناس فيها بيختفو.
محمود: يا عم ديه مجرد صدفة.
شريف: انا رأيي من رأي محمود.
إبراهيم: لأ يا شريف ديه مش صدفة ، الحلم ده ممكن يكون تحذير من الرحلة.
شريف: بصراحة بقي انا حاسس...