لقراءة أو تحميل المسرحية كاملة بالرابط ينقسم إلى قسمين الصالة + غرفة النوم ..منزل متوسط الحال ... رجل عجوز فى الستين من العمر يظهر فى غرفة الصالون قادما من الداخل .
عبدالكريم :( ينادى ) ياروز .. روز
حياة : ( تدخل تحمل صينية الشاى ) عايز حاجة
عبدالكريم : أنا باسأل عن روز
حياة : انت ناسى ؟
عبدالكريم : ناسى إيه ؟
حياة : إنها سا لقراءة أو تحميل المسرحية كاملة بالرابط ينقسم إلى قسمين الصالة + غرفة النوم ..منزل متوسط الحال ... رجل عجوز فى الستين من العمر يظهر فى غرفة الصالون قادما من الداخل .
عبدالكريم :( ينادى ) ياروز .. روز
حياة : ( تدخل تحمل صينية الشاى ) عايز حاجة
عبدالكريم : أنا باسأل عن روز
حياة : انت ناسى ؟
عبدالكريم : ناسى إيه ؟
حياة : إنها سافرت تشوف ولادها
عبدالكريم : صحيح أنا نسيت
حياة : أنا عملت لك الفطار والشاى..عايز حاجة
عبدالكريم : اتصلى بإسماعيل ابنك يبعت لنا خدامة من بيته
حياة : ( ترتبك) ياخويا ..بلا خدم بلا وجع قلب
عبدالكريم : قوليله أبوك بيقولك ابعت لنا خدامة من عندك
حياة : اصل إسماعيل مش موجود فى البيت
عبدالكريم : خلاص كلمى مراته
حياة : مراته ..!!
عبدالكريم : آه
حياة : ياخويا دى الله يكون فى عونها
عبدالكريم : أنا قولت له إن البنت دى ماتنفعهوش دى بنت هاشم الاسفنجى وحاطه مناخيرها فى السما مصدقنيش
حياة : حبها
عبدالكريم : ياريت
حياة : تقصد إيه
عبدالكريم : قصدى حب فلوسها
حياة : سيان أهم عاشوا واتجوزوا
عبدالكريم : خلفوا صبيان وبنات
حياة : احنا عايزين إيه غير انبساطهم !!
عبدالكريم : هو بقى عندهم كام بنت وكام ولد
حياة : اتنين واتنين
عبدالكريم : تصدقى ماأعرفش غير ابنهم الكبير
حياة : ياخويا بكرة أكلمه و أخليهم يفوتوا عليك
عبدالكريم : والنهارده لأ ليه ؟!
حياة : ( ترتبك) النهارده ولا تزعل
عبدالكريم : أنا مش زعلان
حياة : أمال مالك ؟
عبدالكريم : هم الولاد اتغيروا واللا احنا .....
حياة : الزمن ياعبدالكريم
عبدالكريم : كل يوم أشوف صورة مرات ابنك فى الجرنال عائشة هاشم الاسفنجى تسافر أثينا ..تسافر قبرص ..تسافر لندن ..أمريكا .. بتروح ليه ؟