الرئيسية

/ Jim Blythe

/

/ 100 فكرة تسويقية رائعة ج-2

المصدر : اكاديمية اعمل بيزنس

الملخص

لما نكون عايزين ننجح في مجال ما، طبيعي نشوف اللي نجحوا فيه قبلنا، نقرأ قصتهم، ونتعلم من اللي عملوه، ونستفيد من أسباب نجاحهم ونحاول نطبق منها المناسب لينا.. وهو ده اللي عمله الكاتب البريطاني جيم بلايث في كتابه ",100 فكرة تسويقية رائعة مستوحاة من الشركات الرائدة حول العالم",. جيم بلايث بيعرض في كتابه - واللي بنقدملكوا الجزء الثاني منه- أهم وأبرز الأفكار التسويقية اللي طبقتها أكبر الشركات في مختلف أنحاء العالم، وكانت سبب في نجاح كبير قوي حققته الشركات ديه. هنلاقي من أبرز الأفكار التسويقية الإبداعية اللي ركز عليها بلايث في الجزء ده ",أمنح العملاء الوسيلة التي تساعدك على توصيل منتجك إليهم",، يعني ضروري قبل ما تعمل مثلا إعلان في الجرايد، تتأكد إن جمهورك متعلم وبيعرف يقرأ عشان تضمن إن رسالتك الإعلانية هتوصل ليهم. أكد بلايث كمان على أهمية عنصر ",التخصص", لأن محاولة تقديم منتج وعلامة تجارية ترضي كل الناس غالباً بتكون نهايته الفشل، هنلاقي بلايث كمان ألقى الضوء على أهمية تحديد “عرض البيع الحصري", الخاص بيك، يعني تحديد النقطة الخاص بيك، يعني تحديد النقطة اللي تخلي منتجك مميز ومختلف عن كل المنافسين، وتسوق للنقطة ديه عند جمهورك. وعشان نبقى عارفين أكتر عن الكاتب، جيم بلايث هو أستاذ زائر في مجال التسويق في جامعة بليموث بالمملكة المتحدة، اشتغل في وظائف كتيرة زي ضابط في البحرية التجارية، وكوافير، ومستشاراً في مجال الأعمال، وموسيقي، ومدير شركة، وكمان كاتب مسرحي، وكل ده قبل ما يبقى أكاديمي بيدرس في الجامعات. كتب جيم 18 كتاب، وأكثر من 50 مقالة، وهو كمان من كبار الباحثين في معهد تشارترد للتسويق. كتاب 100 فكرة تسويقية رائعة مستوحاة من الشركات الرائدة حول العالم",- الجزء الثاني، كتاب مهم جداً لأي حد عايز ينجح ويكبر البيزنس بتاعه، لأي حد صاحب فكرة وطموح وعايز يحوّل ده لبيزنس ناجح.