ملخص كتاب قواعد لعبة القيادة

المصدر : اكاديمية اعمل بيزنس

الملخص

",قواعد لعبة القيادﺓ",... ملخص لكتاب جديد على الأكاديمية في الوقت اللي لسه بيطبق فيه غالبية أصحاب الشركات في العالم ثقافة الإدارة علشان يقدروا يقودوا شركاتهم بشكل صحيح ويحققوا نتائج جيدة ومرضية ليهم، هنلاقي إن التطور التكنولوجي الرهيب اللي بقى موجود واحتدام المنافسة بين الشركات بشكل غير مسبوق بقى بيفرض عليهم إنهم يغيروا الثقافة دي ويستعينوا بطرق جديدة مناسبة للتحديات الحالية. الكلام ده مش معناه إن ثقافة الإدارة معدش ينفع تطبق في الوقت الحالي لكن معناه إن بقى في طرق تانية بتحقق نتائج أفضل في ظل الظروف الجديدة واللي على رأسها ثقافة التدريب اللي بتسمح لقادة المؤسسات بتحسين أداء فرقهم وتحديها علشان يقدروا ينافسوا بنفس سرعة سير المشروعات والأعمال حاليًا. ودي حاجة قدر يكتشفها الأمريكي ",ناثان جميل", من خبرته العملية في مجال القيادة والتدريب لأنه لاحظ إن قادة المؤسسات بيواجهوا مشكلة كبيرة تتعلق بقدرتهم على الموازنة بين مهمتهم في إدارة الأعمال وتطوير الموظفين، وكان شايف إن الحل هو إن القادة ينخرطوا بشكل أكبر مع فراقهم ويدربوهم على تحقيق النجاح، لأنه معدش ينفع إن المؤسسات تدير الموظفين عن بُعد وتعتمد عليهم في إنهم يطوروا نفسهم بنفسهم. وعلشان كده قرر ",ناثان جميل", إنه يقدم للجمهور كتاب ", ﻗواﻋد لعبة القيادﺓ ", The Leadership Playbook اللي بيدعوا فيه قادة المؤسسات لتطبيق ثقافة التدريب كبديل لثقافة الإدارة، وده مش من واقع نظريات إنما ده نتاج خبرته العملية لأكثر من 20 سنة في مجال قيادة الفرق. وبيركز جميل في كتابه على توضيح الاختلافات بين الإدارة والتدريب، وكيفية تطوير المهارات الأساسية اللي بيحتاجها القادة علشان يخلقوا ويدربوا فرق نشيطة، ومحفزة، وعالية الأداء، وبعد كده بيستعرض الحاجات اللي بيحتاجها القادة علشان يغيروا ثقافة الأقسام أو المؤسسات بتاعتهم من الإدارة إلى التدريب علشان يدعموا عملية تحولهم هما كمان من مديرين إلى مدربين. وناثان جميل هو كاتب، وخبير، ومحاضر في مجالات القيادة، ومهارات البيع، وبناء الفرق الناجحة، ده غير كمان إنه بيرأس مجموعة ",جميل", للتطوير واللي بتقدم خدمات تدريبية واستشارات للشركات في مجال المبيعات، والقيادة، هو كمان قدم سلسلة كتب إرشادية في مجال القيادة والمبيعات دخلت قائمة الكتب الأعلى مبيعًا واللي من بينها الكتاب ده.

اضافة ملخص